Son bir neçə gün ərzində “WhatsApp” xidməti istifadəçilərinə yarana bilcək problemlərlə bağlı xəbərdarlıq edib.
“Ölkə.Az” xəbər verir ki, bu barədə şirkətin rəsmi səhifəsində qeyd edilib. Bildirilib ki, “iPhone” telefonları üçün “iOS 11” yenilənməsi təqdim olunduqdan sonra “WhatsApp”la bağlı bildiriş problemləri yaranır.
Qeyd edilir ki, “WhatsApp”dan ekranı sürüşdürərək çıxdıqda proqram işləmir. Bu zaman hər hansı mesaj gəldikdə bu barədə bildiriş görünmür və ya gecikir. Açıqlamaya görə, bu problemin yaranmasında “WhatsApp” günahkar deyil. Proqram məhz yeni işə salınan “iOS 11” əməliyyat sistemi zamanı baş verir. “Apple” şirkəti yaranan qüsuru aradan qaldıracaq və hazırda bununla bağlı iş görülür.
