Kanadanın Vankuver şəhərində yaşayan Mimi Çoi optik illüziya ilə makiyajı bir araya gətirib.
"Ölkə.Az" xəbər verir ki, öz üzünə etdiyi makiyajlarla görənləri şoka salan gənc qız optik illüziya sahəsində çox bacarıqlı olduğunu sübut edib.
"Instagram" hesabından paylaşdığı işləri ilə 600 minə yaxın izləyici toplayan Mimi makiyajla nələr edə biləcəyini göstərir.
Üzünü kətan parça kimi istifadə edən makiyaj ustasının əsl peşəsi isə bağça müəllimliyidir.
"Instagram"da onun işlərini görənlər, toy, gəlin və qonaqlıq makiyajı üçün müraciət edirlər və hazırda Miminin müştəriləri sürətlə artır.
