Türkiyədə magistr təhsili alan bəzi azərbaycanlı tələbələrin universitetlərdən qeydiyyatları silinməyə başlayıb.
Bu haqda AZXEBER.COM-a Türkiyənin Beykent Universitetinin azərbaycanlı tələbələri məlumat verib.
Onların dediyinə görə, Qafqaz Universitetinin məzunlarının qeydiyyatı universitetdən silinməyə başlayıb. Buna səbəb universitetin Türkiyədə terror təşkilatı kimi bilinən FETÖ-ylə yaxın əlaqələridir.
Tələbələrə bununla bağlı xəbərdarlıq edilib və bildirilib ki, Qafqaz məzunları təhsilini Türkiyədə davam etdirə bilməyəcək.
Analoji hadisə qardaş ölkənin digər özəl universitetlərinə də aiddir.
Qeyd edək ki, bundan öncə verilən qərarla Türkiyənin Ali Təhsil Şurası – (YÖK) Qafqaz Universitetində təhsil alan türkiyəli tələbələrin diplomları tanınmayacaq. Eyni zamanda, adıçəkilən universitetin azərbaycanlı bakalavr məzunları Türkiyədə magistr pilləsi üzrə təhsil ala bilməyəcəklər.
