“Türkiyə-Azərbaycan qardaşlığı sarsılmazdır, əbədidir”
Bunu Azərbaycan prezidenti İlham Əliyev Türkiyə prezidenti Rəcəb Tayyib Ərdoğanla birgə keçirdiyi mətbuat konfransında deyib.
Ölkə başçısı Ərdoğanı yenidən Türkiyə prezidenti seçilməsi münasibətilə təbrik edib:
“Sizi qazandığınız inamlı qələbə münasibətilə təbrik edirəm. Fəaliyyətinizdə uğurlar arzu edirəm. Siz Türkiyə üçün böyük işlər görürsünüz. Türkiyə rəhbərliyiniz altında böyük gücə çevrilib, iqtisadi islahatlar uğurla aparılır. Türkiyə iqtisadi inkişafına görə dünyada qabaqcıl yerlərdən birini turur”.
Prezident qeyd edib ki, Azərbaycan Türkiyə münasibətləri ən yüksək zirvədədir:
"Biz bütün məsələlərdə bir-birimizin yanındayıq. Türkiyə və Azərbaycan Avrasiyanın enerji xəritəsini yenidən tərtib edir. Türkiyə Dağlıq Qarabağı münaqişəsinin həlli işində Azərbaycana böyük dəstək verir”.
