Bu gün su ehtiyatlarının idarə olunmasına dair Bakı Bəyannaməsi qəbul ediləcək.
Bunu jurnalistlərə BMT-nin Qlobal Müqaviləsinin baş direktorunun su mandatı üzrə rəhbəri Ceyson Morrison bildirib.
"İqlim dəyişikliyinin təsirlərini azaltmaq haqqında danışarkən, biz kifayət qədər sürətlə irəliləmədiyimizi, ambisiyalarımızın kifayət qədər yüksək olmadığını və nəticələrin hələ də müəyyən edilmiş hədəflərə uyğun olmadığını görürük. Eyni zamanda, biz iqlim dəyişikliyinə uyğunlaşmanın və dayanıqlığın artırılmasının vacibliyini getdikcə daha çox dərk edirik. Bu və növbəti konfranslarda su və iqlim dəyişikliyinə uyğunlaşma məsələləri əsas müzakirə mövzuları olacaq və qlobal uyğunlaşma fəaliyyət proqramı ilə müşayiət olunacaq. Ümid edirəm ki, biz bu gün yayımlanacaq Bakı Bəyannaməsini inkişaf etdirməyə davam edəcəyik və gələn il Braziliyada keçiriləcək növbəti konfransda bu impulsu gücləndirəcəyik", - deyə o bildirib.
