Yeni Baş prokuror Kamran Əliyev bundan sonra prokurorluğun qarşısında duran əsas fəaliyyət istiqamətləri barədə məlumat verdi.
Milli Məclisdə çıxış edən K. Əliyev ilk olaraq ona yüksək etimad gösətridiyinə görə Azərbaycanın siyasi rəhbərliyinə, xüsusən Prezident İlham Əliyevə və millət vəkillərinə minnətdarlığını bildirib.
K.Əliyev bildirib ki, ölkədə cənab Prezident İlham Əliyevin rəhbərliyi altında genişmiqyaslı islahatlar həyata keçirilməkdədir. Bu islahatlar məhkəmə-hüquq sistemindən də yan keçməyib və bu sahədə də islahatlar həyata keçirilib. Dövrün tələblərinə uyğun olaraq prokurorluq orqanlarında da islahatlar həyata keçirilib və nəticədə professional kadr bankı formalaşıb. Həyata keçirilən islahatlar prokurorluq orqanları qarşısında da mühüm vəzifələr qoyur”- K.Əliyev bildirib.
O deyib ki, bundan sonra prokurorluq orqanları fəaliyyətlərini 8 əsas istiqamət üzrə davam etdirəcək.
O deyib ki, prokurorluq orqanları cinayətkarlığa qarşı ciddi mübarizə aparacaq, bu istiqamətdə DİN və DTX ilə birgə fəaliyyət göstərəcək, özəl və dövlət sektorunda korrupsiyanın qarşısının alınması, kölgə iqtisadiyyatına, vergi və gömrük sahəsində, məhkəmələrdə balanslaşdırılmış və humanism prinsiplərinə əməl olunması, beynəlxalq əlaqələrin qurulması istiqamətində quracaq.
K.Əliyev onu da bəyan edib ki, bu yüksək tribunadan prokurorluq orqanları bundan sonra üzərinə düşən vəzifəni layiqincə yerinə yetirəcək, dövlət və xalqa ləyaqətlə xidmət edəcək.
