https://via.az/ az https://via.az/gundem/33486-avtomobil-su-kanalna-ad.html https://via.az/gundem/33486-avtomobil-su-kanalna-ad.html 33486 Fri, 14 Aug 2026 10:26:59 +0400 native-yes

Ağdaşda avtomobil su kanalına aşıb.

Hadisə Ağzibir və Kotavan kəndləri arası sərt döngədə baş verib.

İdarəetmədən çıxan maşın yol kənarındakı su kanalına aşıb. Hadisə zamanı müxtəlif bədən xəsarətləri alan 1985-ci il təvəllüdlü rayon sakini Zakirov Ramil Almurad oğlu xəstəxanaya çatdırılıb.

Faktla bağlı araşdırma aparılır.

]]> https://via.az/gundem/33485-yulda-aylq-sosial-mavint-v-tqad-alanlarn-say-aqland.html https://via.az/gundem/33485-yulda-aylq-sosial-mavint-v-tqad-alanlarn-say-aqland.html 33485 Fri, 14 Aug 2026 10:25:38 +0400 native-yes

2026-cı ilin iyul ayında Azərbaycanda aylıq sosial müavinət və təqaüd alanların sayı 876,1 min nəfər təşkil edib.

Bu barədə Əmək və Əhalinin Sosial Müdafiəsi Nazirliyi məlumat yayıb.

Məlumata görə, onların 471,1 min nəfəri aylıq sosial müavinət, 405 min nəfəri isə təqaüd alıb.]]> https://via.az/gundem/33484-bakda-pakistann-mstqillik-gnn-hsr-olunmu-tdbir-keirildi.html https://via.az/gundem/33484-bakda-pakistann-mstqillik-gnn-hsr-olunmu-tdbir-keirildi.html 33484 Fri, 14 Aug 2026 10:11:03 +0400 native-yes

Bu gün Pakistanın Müstəqillik Günü münasibətilə ölkənin Azərbaycandakı səfirliyində təntənəli tədbir keçirilib.

Rəsmi mərasim Qurani-Kərim tilavəti ilə başlayıb.

Daha sonra Pakistanın Azərbaycandakı fövqəladə və səlahiyyətli səfiri Qasım Mohiuddin ölkəsinin dövlət bayrağını ucaldıb.

Dövlət himninin səsləndirilməsinin ardından, Pakistan Prezidenti Asif Əli Zərdari və Baş nazir Şahbaz Şərifin Müstəqillik Günü münasibətilə xalqa ünvanladıqları təbrik müraciətləri oxunub.

Tədbirdə bu tarixi günün əhəmiyyəti vurğulanıb, regionda və dünyada sülhün, əmin-amanlığın bərqərar olması üçün dualar edilib.

Maraqlı məqamlardan biri isə azərbaycanlı tələbələrin qonaq qismində urdu dilində çıxışlar etməsi olub.

Rəsmi hissənin sonunda səfir Qasım Mohiuddin çıxış edərək iki ölkə arasındakı qardaşlıq münasibətlərindən danışıb.

Mərasim qonaqlar üçün təşkil olunmuş ziyafətlə başa çatıb.]]> https://via.az/gundem/33483-ermnistan-bu-kndi-azrbaycana-qaytaracaq.html https://via.az/gundem/33483-ermnistan-bu-kndi-azrbaycana-qaytaracaq.html 33483 Thu, 13 Aug 2026 11:35:15 +0400 native-yes
Ermənistan hökuməti Konstitusiya dəyişikliyinə dair referendumundan sonra anklavlar məsələsini müzakirə etməyə başlayacaq.

Bu barədə “Hraparak” ölkənin rəsmi mənbələrinə istinadla məlumat yayıb.

Nəşr yazıb ki, əsas müzakirə mövzusu Azərbaycanın sərhəddə yerləşən anklavı Kərki ilə bağlıdır. Mənbə qeyd edib ki, Nikol Paşinyan hökuməti hələlik məsələnin müzakirəsini təxirə salmaq qərarına gəlib, çünki referendumdan əvvəl kəndin Azərbaycana qaytarılması hakimiyyətin daxildəki nüfuzuna ciddi ziyan vuracaq və bu, Konstitusiya dəyişikliyi planını poza bilər.

“Hakim “Vətəndaş Müqaviləsi” Partiyasının bəzi üzvləri Kərkinin Başkəndlə dəyişdirilməsində israr edirlər. Amma Baş nazir Nikol Paşinyan buna qarşı çıxır”, - nəşr qeyd edib.

Xatırladaq ki, Ermənistan Naxçıvan Muxtar Respublikasının Kərki kəndi ilə yanaşı, Qazax rayonunun Sofulu, Yuxarı Əskipara və Barxudarlı yaşayış məntəqələrini də Azərbaycana qaytarmalıdır. (Teleqraf)]]> https://via.az/gundem/33482-rusiya-ukraynaya-224-sirin-siyahsn-verdi-kiyev-razlamr.html https://via.az/gundem/33482-rusiya-ukraynaya-224-sirin-siyahsn-verdi-kiyev-razlamr.html 33482 Thu, 13 Aug 2026 11:34:13 +0400 native-yes

Rusiya Ukraynaya 224 nəfəri əsir mübadiləsi çərçivəsində təhvil verməyə hazırdır.

Bu barədə Rusiya Federasiyasının insan hüquqları üzrə müvəkkili Yana Lantoratova məlumat verib. Lantoratova mümkün mübadilə üçün 224 nəfərin ad-soyadından ibarət siyahı dərc edib.

Onun sözlərinə görə, Moskva Ukrayna əsirliyində olan rusiyalı hərbçilərin geri qaytarılması üçün müxtəlif mübadilə variantlarını nəzərdən keçirir.

Rusiya ombudsmanı bildirib ki, son bir ay ərzində Moskva Kiyevə üç fərqli mübadilə siyahısı təqdim edib. Siyahılara həm hərbçilər, həm də Rusiyada məhkum edilmiş Ukrayna vətəndaşları daxil edilib.

Lantoratovanın iddiasına görə, Kiyev hələlik təklif olunan variantlardan heç birinə razılıq verməyib.

Ukraynanın insan hüquqları üzrə müvəkkili Dmitri Lubinets isə Rusiyanın ittihamlarını rədd edib və onları yalan adlandırıb. O, Ukraynanın öz vətəndaşlarını geri qaytarmağa hazır olduğunu bildirib.]]> https://via.az/gundem/33481-sosial-dnilr-zr-haliy-6-milyard-manatdan-ox-vsait-dnildi.html https://via.az/gundem/33481-sosial-dnilr-zr-haliy-6-milyard-manatdan-ox-vsait-dnildi.html 33481 Thu, 13 Aug 2026 11:32:53 +0400 native-yes
Bu ilin yanvar–iyul ayları ərzində pensiya, müavinət, təqaüd və ünvanlı dövlət sosial yardımı üzrə əhaliyə 6,12 milyard manatdan çox vəsait ödənilib.

Bu barədə Dövlət Sosial Müdafiə Fondu məlumat yayıb.

Bildirilib ki, bu, ötən ilin müvafiq dövrünə nisbətən 568,8 milyon manat və ya A10,3% çox olub.]]> https://via.az/gundem/33480-30-mindn-ox-xs-lillik-tyin-olundu.html https://via.az/gundem/33480-30-mindn-ox-xs-lillik-tyin-olundu.html 33480 Thu, 13 Aug 2026 11:31:06 +0400 native-yes

Bu ilin yanvar-iyul ayları ərzində 30,2 min şəxsə əlillik təyin edilib.

Bu barədə Əmək və Əhalinin Sosial Müdafiəsi Nazirliyi məlumat yayıb.

Bildirilib ki, onlardan 12,8 min şəxsə ilkin, 17,4 min şəxsə təkrar əlillik təyinatı aparılıb.

"Əlilliyin qiymətləndirilməsi elektron sistem üzərindən, tibb müəssisəsinin e-sistemə daxil etdiyi göndərişlərdəki məlumatlar əsasında həyata keçirilir.

Əlillik təyinatından sonra e-sistem üzərindən əlilliyə görə proaktiv qaydada sosial ödənişlər təyin edilir", - məlumatda vurğulanıb.]]> https://via.az/gundem/33479-libala-mhrrmzad-50-ilin-zirvsindn-yeni-hdflr.html https://via.az/gundem/33479-libala-mhrrmzad-50-ilin-zirvsindn-yeni-hdflr.html 33479 Thu, 13 Aug 2026 11:29:47 +0400 native-yes

Bəzi insanların ömür yolu yalnız şəxsi uğurlarla deyil, cəmiyyətə, elmə, dövlətçilik ənənələrinə və ictimai həyata verdiyi töhfələrlə ölçülür. Əlibala Səttar oğlu Məhərrəmzadənin 50 illik həyat yolu da məhz belə zəngin və çoxşaxəli fəaliyyət nümunələrindən biridir.
9 avqust 1976-cı ildə Quba şəhərində dünyaya gələn Əlibala Məhərrəmzadə ötən yarım əsrlik ömrü ərzində elm, təhsil, iqtisadiyyat, audit, ədəbiyyat və ictimai-siyasi fəaliyyət kimi müxtəlif istiqamətlərdə özünəməxsus yol keçib.
Onun peşəkar fəaliyyətinin əsas xüsusiyyətlərindən biri daim inkişaf və yenilənməyə can atmasıdır. 1997-ci ildə Azərbaycan Xalq Təsərrüfatı İdarəçiliyi İnstitutunu bitirdikdən sonra təhsilini xaricdə davam etdirən Əlibala Məhərrəmzadə 1999-cu ildə İstanbul Universitetinin İqtisadiyyat şöbəsini bitirib. Elmi fəaliyyətini də ardıcıl şəkildə davam etdirərək iqtisad elmləri namizədi elmi dərəcəsinə və professor elmi adına layiq görülüb.
Lakin onun həyat yolunu yalnız elmi titullar və vəzifələrlə xarakterizə etmək mümkün deyil. Əlibala Məhərrəmzadə əldə etdiyi bilikləri real fəaliyyətə tətbiq etməklə iqtisadi və ictimai proseslərdə fəal iştirak edən ziyalı kimi formalaşıb.
Dövlətçilik və ictimai məsuliyyət
Əlibala Məhərrəmzadənin fəaliyyətində ictimai-siyasi istiqamət xüsusi yer tutur. 2010-cu ildə Azərbaycan Respublikasının Milli Məclisinə seçkilərdə 20 saylı Nərimanov ikinci seçki dairəsindən deputatlığa namizəd olması onun ictimai-siyasi proseslərdə iştirakının mühüm mərhələlərindən biri olub.
Onun parlament fəaliyyəti ilə bağlı növbəti mühüm məqam 8 oktyabr 2024-cü il tarixində Azərbaycan-Ukrayna parlamentlərarası əlaqələr üzrə işçi qrupunun rəhbəri seçilməsi ilə bağlıdır.
Bu vəzifə, ilk növbədə, böyük etimad və məsuliyyət deməkdir. Azərbaycan ilə Ukrayna arasında əlaqələrin inkişafında parlamentlərarası diplomatiyanın mühüm rolu nəzərə alınarsa, belə bir istiqamətə rəhbərlik etmək həm siyasi, həm də ictimai baxımdan xüsusi əhəmiyyət daşıyır.
İki ölkə arasında dostluq münasibətlərinin, qarşılıqlı əməkdaşlığın və parlamentlərarası dialoqun inkişafına xidmət edən bu fəaliyyət Əlibala Məhərrəmzadənin ictimai-siyasi portretinin mühüm hissəsidir.
Əlibala Məhərrəmzadənin fəaliyyətində elm və iqtisadiyyat xüsusi yer tutur. Professor kimi elmi-pedaqoji fəaliyyət göstərməsi, iqtisadi mövzuda kitabların müəllifi olması, uzun illər iqtisadiyyat, maliyyə, audit və idarəetmə sahələrində çalışması onun peşəkar fəaliyyətinin əsas istiqamətlərini təşkil edir.
Sərbəst auditor kimi fəaliyyət göstərən Əlibala Məhərrəmzadə “Kaspian Audit Kompani” MMC-nin direktoru olaraq iqtisadi və maliyyə sahəsində əldə etdiyi bilik və təcrübəni praktik fəaliyyətlə birləşdirir.
Bu baxımdan onun fəaliyyətində nəzəri biliklərlə praktiki təcrübənin vəhdəti xüsusilə diqqət çəkir.
Əlibala Məhərrəmzadənin çoxşaxəli fəaliyyətinin digər mühüm istiqaməti ədəbi yaradıcılıqdır.
Azərbaycan Yazıçılar Birliyinin üzvü olan Əlibala Məhərrəmzadə həmçinin Ukrayna Milli Elmlər Akademiyasının və Ukrayna Yazıçılar Birliyinin fəxri üzvüdür.
İqtisadçı alim və professor olmaqla yanaşı, ədəbi yaradıcılıqla məşğul olması onun dünyagörüşünün genişliyini və müxtəlif sahələrə olan marağını göstərir.
Elm, iqtisadiyyat, siyasət və ədəbiyyat kimi fərqli istiqamətləri öz fəaliyyətində birləşdirməsi Əlibala Məhərrəmzadənin ziyalı portretini daha da zənginləşdirir.
50 yaş insan həyatında həm geriyə nəzər salmaq, həm də gələcək hədəfləri müəyyənləşdirmək üçün mühüm bir mərhələdir.
Əlibala Məhərrəmzadə üçün 50 il zəngin təcrübənin, müxtəlif sahələrdə əldə olunan nailiyyətlərin və cəmiyyət həyatında formalaşmış mövqenin göstəricisidir.
Qubadan başlayan həyat yolu Azərbaycan və xarici ölkələrin təhsil ocaqlarından keçərək elmə, iqtisadiyyata, ictimai-siyasi fəaliyyətə, parlamentlərarası əlaqələrə və ədəbi yaradıcılığa qədər uzanıb. Bu yolun əsas xüsusiyyəti isə çoxşaxəlilikdir.
Əlibala Məhərrəmzadə üçün 50 yaş son deyil, yeni mərhələnin başlanğıcıdır. Qarşıda elmi fəaliyyətin davam etdirilməsi, yeni yaradıcılıq nümunələrinin ortaya qoyulması, iqtisadi və ictimai layihələrin həyata keçirilməsi, Azərbaycan-Ukrayna parlamentlərarası əlaqələrinin inkişafı istiqamətində yeni təşəbbüslər üçün geniş imkanlar var.
Ailə həyatı da onun həyatının mühüm tərkib hissəsidir. Ailəli olan Əlibala Məhərrəmzadə dörd övlad atasıdır. Peşəkar və ictimai fəaliyyətlə ailə məsuliyyətini paralel şəkildə daşıması onun həyat fəlsəfəsində ailə dəyərlərinin də mühüm yer tutduğunu göstərir.
Hörmətli Əlibala müəllim!
50 illik yubileyiniz münasibətilə Sizi ürəkdən təbrik edirik.
Sizə möhkəm cansağlığı, uzun və mənalı ömür, ailə səadəti, yeni elmi və yaradıcılıq uğurları arzulayırıq.
Arzu edirik ki, bundan sonrakı illəriniz də keçdiyiniz həyat yolu kimi zəngin və məhsuldar olsun. Elmə, iqtisadiyyata, ədəbiyyata və ictimai həyata verdiyiniz töhfələr daha da artsın.
Azərbaycan-Ukrayna parlamentlərarası əlaqələrinin inkişafı istiqamətində fəaliyyətinizdə uğurlar, dövlətlərarası dostluq və əməkdaşlıq münasibətlərinin möhkəmləndirilməsi yolunda yeni nailiyyətlər arzulayırıq.
Qoy qarşıdakı illər Sizin üçün yeni uğurların, böyük layihələrin və yaddaqalan nailiyyətlərin başlanğıcı olsun.
50 illik yubileyiniz mübarək, Əlibala müəllim!
50 ilin təcrübəsi ilə yeni hədəflərə, yeni uğurlara!]]> https://via.az/gundem/33477-rusiya-ukrayna-mharibsi-bu-lky-srad-f-16-lar-havaya-qaldrld.html https://via.az/gundem/33477-rusiya-ukrayna-mharibsi-bu-lky-srad-f-16-lar-havaya-qaldrld.html 33477 Thu, 13 Aug 2026 11:26:25 +0400 native-yes

Rumıniya Ukrayna sərhədində PUA qrupunun aşkarlanmasından sonra iki F-16 qırıcısını havaya qaldırıb.

Bu barədə Rumıniya Müdafiə Nazirliyi məlumat yayıb.

Bildirilib ki, radar sistemi Ukraynanın İzmail şəhəri yaxınlığında, Dunay çayı boyunca sərhədə yaxın ərazidə 5 pilotsuz uçuş aparatı qeydə alıb.

Hadisə ilə əlaqədar Borçedəki 86-cı aviabazadan Rumıniya Hərbi Hava Qüvvələrinin iki F-16 qırıcısı vəziyyəti izləmək üçün havaya qaldırılıb.

Nazirliyin məlumatına görə, yerüstü radarlar PUA-lardan birini artıq Rumıniyanın hava məkanında da aşkarlayıb. Dron Pardin şəhərinin təxminən 2 kilometr cənubunda Rumıniya sərhədini keçib və təxminən 10 dəqiqə ölkənin hava məkanında uçub.

PUA Kiliya çayının qollarından biri boyunca hərəkət etdikdən sonra Rumıniya ərazisini tərk edərək yenidən Ukrayna istiqamətində uçub.]]> https://via.az/gundem/33476-azrbaycanl-biznesmeni-trkiyd-kim-ldrb-vacib-detallar.html https://via.az/gundem/33476-azrbaycanl-biznesmeni-trkiyd-kim-ldrb-vacib-detallar.html 33476 Thu, 13 Aug 2026 11:24:53 +0400 native-yes

Xəbər verildiyi kimi, İstanbulun Qaziosmanpaşa rayonunda azərbaycanlı iş adamı Rövşən Zeynalovun meyiti yaşadığı mənzildən tapılıb. Diqqətçəkən məqamlardan biri isə onun təxminən bir həftə mənzildə ölü vəziyyətdə qalması, bu müddətdə bacısı Mətanət Zeynalovanın da həmin evdə yaşaması olub. Mənzildə qan izlərinin aşkarlanması isə hadisənin səbəbləri ilə bağlı müxtəlif ehtimallar yaradıb.

Qan izlərinin aşkarlanması hadisənin cinayət xarakterli olması və mümkün motivi ilə bağlı ehtimalı gündəmə gətirir?

Bu barədə kriminalist Şəmsəddin Əliyev danışıb. O bildirib ki, Cinayət Məcəlləsinin 120-ci maddəsi qəsdən adam öldürmə cinayətini nəzərdə tutur.

Onun sözlərinə görə, təqdim olunan məlumatlar əsasında hadisədə qəsdin əlamətləri ehtimal edilə bilər:

“Burada müxtəlif motivlər nəzərdən keçirilə bilər. Bu, qisas motivi, yaxud başqa cinayətlərin izlərini gizlətmək və ya müəyyən cinayəti ört-basdır etmək məqsədi daşıya bilər. Cinayətin motivi və digər hallar istintaq zamanı müəyyənləşdirilməlidir. Onun bacısının evdə olması da araşdırılmalı məqamlardandır. İstintaqı qabaqlamaq və hadisə ilə bağlı indidən qəti nəticə çıxarmaq düzgün olmaz. Hesab edirəm ki, Türkiyə Respublikasının istintaq orqanları və prokurorluq bu məsələyə ciddi yanaşacaq”.

Kriminalist qeyd edib ki, hazırda əsas məsələ ölümün səbəbinin və hadisənin bütün detallarının hərtərəfli araşdırılmasıdır:

“Hadisə yerinə baxış çox ciddi və peşəkar şəkildə keçirilməlidir. Məsələn, hadisə yerində qan ləkələrinin aşkar edildiyi bildirilir. Bu qan ləkələri mütləq ekspertizaya təqdim edilməlidir. Onların kimə məxsus olduğu və hansı şəraitdə əmələ gəldiyi müəyyənləşdirilməlidir. Eyni zamanda meyit üzərində xəsarətlərin, boğulma əlamətlərinin olub-olmaması, tibbi preparatlardan və ya digər vasitələrdən istifadə edilib-edilməməsi araşdırılmalıdır. Bundan başqa, hadisə yerində cinayətin törədilməsində istifadə oluna biləcək alət, əşya və digər maddi sübutların olub-olmaması müəyyən edilməlidir. İlkin mərhələdə konkret fikir söyləmək çətindir. Hadisə yerinə baxışın nəticələri, məhkəmə-tibbi ekspertizanın rəyi və digər ekspertiza nəticələri gözlənilməlidir”.

Ş.Əliyev qəsd və qisas motivinin də ehtimallar sırasında araşdırılmasının mümkün olduğunu bildirib:

“Şəxsin psixoloji vəziyyəti ilə bağlı məlumatlar varsa, onlar da ayrıca araşdırılmalıdır. Əgər onun psixoloji durumunun normal olmadığına dair tibbi əsaslar mövcuddursa, bu məsələ ekspertiza çərçivəsində qiymətləndirilməlidir. Yalnız ehtimallara əsaslanmaq düzgün yanaşma deyil. Dəqiq və sübutlarla təsdiqlənmiş məlumatlar əsas götürülməlidir. Hadisənin əsl mahiyyəti ekspertizaların və digər sübutların nəticəsində ortaya çıxacaq”.

Rövşən Zeynalovun “Bəniz” ləqəbli tiktoker Aybəniz Xəlilova ilə evli olub. Onların bu nikahdan Mətin adlı övladları var.

Xatırladaq ki, sevgilisindən şantaj yolu ilə 1 milyon manata yaxın pul tələb etməkdə ittiham olunan tiktoker Aybəniz Xəlilova (Bəniz) bir neçə gün öncə 10 il 3 ay müddətinə azadlıqdan məhrum edilib.]]>