Bloger Eyveri Uezerford üç il əvvəl atasını itirəndə ona təsəlli verməyə tələsən çox olmuşdu.
O, sonradan işlədilən ifadələrin çoxunu ya yersiz, ya da təhqiredici saymışdı. Eyverinin fikrincə, xüsusilə beş ifadəni işlətmək düzgün deyil. Bizimyol.info Uezerfordun faciə yaşamış insana deyilməsini artıq saydığı ifadələri təqdim edir.
“Siz yaxın idiniz?” – Bu sual qarşısında dilemma yaranır. Ya “hə” deməlisiniz, ya da “yox”. Yaxınlıq qohumluq əlaqələri ilə ölçülmür. Hər gün yanında yaşayıb yaxın olmamaq var. Əksinə, illərlə görüşməyib, bir-birini yaxşı hiss etmək də mümkündür.
“Heç nə təsadüfi baş vermir” – Bu cümləni Eyveriyə dəstək məqsədi ilə tanışlarından biri “Facebook”da yerləşdirmişdi. Bloger dərhal adını işarələmədən silmişdi. Uezerfordun fikrincə, “malı mala qatmaq” lazım deyil.
“Sən möhkəm dayanmısan” – Bloger düşünür ki, bu da yersiz cümlədir. Çünki nə keçirdiyini heç kim bilmir. Heç kim Eyverinin həmin epizodda nə qədər əzab çəkdiyini anlamaz.
“Tanrı bizə çəkə bilmədiyimizdən artıq dərd vermir” – Uezerford bunu da mənasız saymışdı. Bəzi insanlar çəkə bilmədiklərindən daha böyük faciə yaşayır. Biz böyük dərdləri tək çəkəcək gücdə deyilik. Sevinci də, kədəri də bölüşməliyik. Yaxınımız çətin vəziyyətdədirsə, ona əlimizi uzatmalıyıq.
“Nəsə lazım olsa, mənə xəbər et” – Faciə yaşayan adam heç vaxt gəlib sizdən kömək istəməyəcək. Özünüz hərəkətə keçməlisiniz. Ona hansı istiqamətdə yardım olduğunu müəyyənləşdirib, köməyə tələsməlisiniz.
