"Tottenhem" klubunun hücumçusu Harri Keyn "CIES Football Observatory" tərəfindən ötən sezon üçün dünyanın ən bahalı futbolçusu seçilib.
Keynin qiyməti 201,2 milyon avro dəyərində qiymətləndirilib.
İkinci yerdə "PSJ"nin forvardı Neymar (195,7 milyon avro), üçüncü yerdə "PSJ"nin daha bir hücumçusu Kilian Mbappe (186,5 milyon avro), dördüncü yerdə isə 184,2 milyon avro dəyəri ilə "Barselona"lı Lionel Messi qərarlaşıb.
İlk 5-liyi 171,3 milyon avro dəyəri ilə Misir millisi və "Liverpul"un ulduzu Məhəmməd Salah tamamlayır.
Qeyd edək ki, "Real Madrid"in forvardı Kriştianu Ronaldu (103,4 milyon avro) siyahıda 24-cü yerdə qərarlaşıb.
