Məlum olduğu kimi Azərbaycanın “Qarabağ” futbol klubu Çempionlar Liqasının qrup mərhələsinə keçib. Bununla da klub bütün həmvətənlilərimizə böyük sevinc yaşadıb. Tuduğu mövqedən aslı olmayaraq əksəriyyət, o cümlədən sənət aləminin nümayəndələri öz sevincini sosial şəbəkədə bölüşüb.
"Qaynarinfo" musavat.com-a istinadən onlardan bir neçəsini təqdim edir:
Xalq artisti Nəzakət Teymurova klubun gerbini paylaşaraq bildirib: “Canım “Qarabağ”, təbrik edirəm sizi. Biz sizinlə fəxr edirik. Allah hər birinizi qorusun”.
Əməkdar artist Elza Seyidcahan “Qarabağ” futbol klubunun üzvlərinin fotosunu paylaşaraq qeyd edib: “Ura!!! Şükür Allaha, gözümüz aydın olsun!”
Aktrisa Sənubər İskəndərli də komandanın fotosunu paylaşıb.
Aktyor Kamran Yunis isə sadəcə “Qarabağ” yazaraq sevincini bu cür bölüşüb.
Komediya aktyoru Nicat Rəhimov oyundan video paylaşaraq qeyd edib: “Təbriklər, Qarabağ!”
Müğənni Elçin Cəfərov “Azərbaycan futbolunun inkişafına və bu uğuru bizə yaşatdıqlarına görə əziyyəti keçən hər kəsə təşəkkürümü bildirirəm” deyə status paylaşıb.
Müğənni Zamiq Hüseynov isə komandanın kapitanı Qurban Qurbanova öz təşəkkürünü bildirib: “Qurban Qurbanov, təşəkkür sənə və oyunçularına. Bu tarixi sevinci bizə yaşatdığınız üçün”.
