Azərbaycanda Formula 1 yarışı üçün bir müddətdir ki, biletlər satışa çıxarılıb
Baku.ws-nın verdiyi məlumata görə, artıq Azneft dairəsinin qarşısında yerləşən Filarmoniya tribunasında bütün yerlər tamamilə satılıb. Bununla yanaşı, Abşeron, İçəri Şəhər, Qız qalası, Azneft, Xəzər, Sahil, Filarmoniya, Muğam, Bulvar tribunasında isə biletlər satışı davam edir.
23-25 iyun tarixlərində keçiriləcək Formula 1 Azərbaycan Qran Prisində tamaşaçılar üçün müxtəlif biletlər, o cümlədən bir, iki və dördgünlük biletlər təklif olunur. Dördgünlük biletlərin ümumi qiyməti tribunadan asılı olaraq 250-690 AZN arasında dəyişir. Azyaşlılar üçün bütün tribunalara təklif olunan dördgünlük biletlər 175-480 AZN təşkil edir.
