Tanınmış prodüser Anar Mədətov həyat yoldaşı Elnurə Mədətovadan ayrılması və yenidən ailə qurması barədə xəbərlər yayılıb. Prodüserin futbolçu oğlu Mahir Mədətov isə “İnstaqram” səhifəsində soyadını dəyişdirərək “Əmrəli” qoyub.
Mahir Mədətovun bu addımından sonra “Qarabağ” azarkeşlərini bir sual düşündürür. Mahir klubda geyindiyi formasındakı soyadını da dəyişəcəkmi?
Məsələ ilə bağlı Unikal.org-a açıqlama verən “Qarabağ” futbol klubunun mətbuat xidmətinin rəhbəri Nurlan İbrahimov bildirib ki, Mahir Mədətov bununla bağlı hələ ki kluba hər hansı müraciət etməyib. Bu mövzu hazırda aktual deyil.
