Çempionlar Liqasında 1/4 final mərhələsinin ilk oyunlarına yekun vurulub.
ONA-nın məlumatına görə, ikinci oyun günündə də 2 qarşılaşma baş tutub.
Hollandiya “Ayaks”ı Amsterdamda “Yuventus”u qəbul edib. Görüşə meydan sahibləri daha fəal başlasalar da, İtaliya təmsilçisi fasilə ərəfəsində hesabı açıb. Qonaqların heyətində Kriştianu Ronaldo fərqlənib.
Meydan sahiblərinin bərabərlik qolu fasilədən sonraya təsadüf edib. David Nereş ikinci hissənin ilk dəqiqəsində azarkeşləri sevindirib.
İngiltərədə “Mançester Yunayted” “Barselona”nı qəbul edib. Bu matçda bir top həlledici olub.
“Qırmızı şeytanlar” erkən qola üzülüb. Lyuk Şounun 12-ci dəqiqədəki avtoqolu İspaniya klubuna üstünlük qazandırıb.
Qeyd edək ki, 1/4 finalın cavab oyunları aprelin 16-17-də keçiriləcək.
Çempionlar Liqası
1/4 final, ilk oyunlar
10 aprel
23:00. “Ayaks” (Hollandiya) – “Yuventus” (İtaliya) – 1:1
Qollar: Nereş, 46 – Ronaldo, 45
Baş hakim: Karlos del Serro Qrande (İspaniya)
Amsterdam. Yohan Kroyff Arena
23:00. “Mançester Yunayted” (İngiltərə) – “Barselona” (İspaniya) – 0:1
Qol: Şou, 12 (avtoqol)
Baş hakim: Canluka Rokki (İtaliya)
Mançester. “Old Trafford” stadionu
