Dünyanın ən yüksək ödənişli qadın futbolçusu müəyyənləşib.
Goal.az xəbər verir ki, Norveç yığmasının hücumçusu Ada Hegerberqdir. Fransanın “Lion” klubunda çıxış edən 23 yaşlı forvardın illik maaşı 400 min avro təşkil edir.
Dünyanın ən yüksək ödənişli kişi futbolçusu isə argentinalı Lionel Messidir. İspaniya “Barselona”sının kapitanı ilinə 130 milyon avro qazanır. Bu isə o deməkdir ki, Hegerberq Messidən 325 dəfə az pul alır.
Qeyd edək ki, Ada Hegerberq ötən il “France Football” nəşrinin təsis etdiyi “Qızıl top” mükafatının ilk qadın laureatçısı olub.
