Qazaxıstanda Maxambet Utemisov adına Qərbi Qazaxıstan Dövlət Universitetinin rektoru Nurlan Serqaliyev hüquq-mühafizə orqanları tərəfindən saxlanılıb.
Məlumatı ölkənin Elm və Ali Təhsil Nazirliyi təsdiqləyib.
Nazirlik hadisə ilə bağlı saxlanılma faktını təsdiqləsə də, istintaqın maraqları nəzərə alınaraq səbəblər və digər təfərrüatlar barədə hələlik açıqlama verməyib.
Məlumata görə, Nurlan Serqaliyev vəzifə səlahiyyətlərindən sui-istifadə etməkdə şübhəli bilinir. Bildirilir ki, araşdırma çərçivəsində onun həm xidməti kabinetində, həm də yaşadığı ünvanda axtarış aparılıb.
Əməliyyatın Qazaxıstan Milli Təhlükəsizlik Xidmətinin Korrupsiyaya Qarşı Mübarizə Xidməti əməkdaşları tərəfindən həyata keçirildiyi qeyd olunur.
