Dünən gecə Rusiya hava hücumundan müdafiə sistemləri dron hücumunu dəf edib.
Bu barədə Rusiya Müdafiə Nazirliyi məlumat yayıb.
Bildirilir ki, son 24 saat ərzində ümumilikdə 19 Ukrayna istehsalı olan sabit qanadlı pilotsuz uçuş aparatı (PUA) məhv edilib.
Ən çox PUA Kursk bölgəsi üzərində zərərsizləşdirilib. Hava hücumundan müdafiə sistemləri bu ərazidə doqquz dron vurub.
Bundan başqa, Krasnodar diyarı üzərində beş dron məhv edilib. Azov dənizi üzərində isə üç PUA ələ keçirilib.
Qeyd olunur ki, Oryol və Belqorod ərazilərinin hər birinin üzərində bir Ukrayna pilotsuz təyyarəsi vurulub.
