Şimali Koreya lideri Kim Çen In hərbi zavodda taktiki idarəolunan silahların istehsalı ilə tanış olub və istehsal gücünün 2.5 dəfə artırılması barədə göstəriş verib.
"Bizim hərbi sənayemiz mövcud vəziyyətə uyğunlaşmaq, eyni zamanda həm cari sursat istehsalını, həm də istehsal xətlərinin modernləşdirilməsini təmin etmək üçün istehsalı və texniki yenilənməni ciddi şəkildə təşkil etməlidir", - deyə Kim Çen In qeyd edib.
Onun sözlərinə görə, Şimali Koreyada istehsal olunan taktiki idarəolunan silahlar yüksək atəş gücünə malikdir və hazırda ordunun balansında olan yaylım atəşli raket sistemlərini tamamilə əvəz etməlidir.
Şimali Koreya lideri vurğulayıb ki, hərbi hissələrin yeni növ silahlarla yenidən silahlandırılması prosesi artıq bu ilin birinci yarısında başlamalıdır.
