11 dekabr 2024-cü il tarixində Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə Qobustan İdman Kompleksində Ümummilli Lider Heydər Əliyevin xatirəsinə həsr olunmuş yeniyetmələr arasında stolüstü tennis üzrə rayon turniri keçirilib.
Yarışın keçirilməsində əsas məqsəd Ulu Öndərin xatirəsinin yad olunması, yeniyetmə və gənclər arasında stolüstü tennis idman növünün kütləviliyinin artırılması, təlim-məşq proseslərinin təkmilləşdirilməsi və respublika miqyaslı yarışlarda iştirak edəcək idmançıların aşkar olunmasıdır.
Turnirdə Azərbaycan Stolüstü tennis Federasiyasının rayon üzrə bölməsinin 4 yaş qrupu üzrə 22 idmançısı iştirak etmişdir. Ayrı-ayrı yaş qrupları arasında Qasımov Ramal, Məmmədli Vüsal, Mədətov Əli və Musayev Tural fərqlənərək turnirin qalibi adını qazanıblar.
Qalib və mükafatçılara Dağlıq Şirvan Regional Gənclər və İdman İdarəsinin diplom və medalları təqdim olunub.
#gənclərvəidmannazirliyi #birkimibirlikdə #AZEsport
