Sentyabrın 16-da Mərkəzi Aran Regional Təhsil İdarəsinin müdiri Elçin Kərimov "Bilik Günü" münasibətilə Yevlax şəhəri 4 nömrəli tam orta məktəbdə iştirak edib.
Tədbirdə yerli icra hakimiyyəti orqanlarının nümayəndələri, müəllimlər, Regional Təhsil İdarəsinin əməkdaşları, şəhid ailələri, valideynlər, şagirdlər iştirak ediblər.
Azərbaycan Respublikasının Dövlət Himninin səsləndirilməsi ilə başlayan tədbirdə Vətən uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib. Tədbir zamanı çıxış edən idarə müdiri yeni tədris ilində qarşıya qoyulan hədəflərdən və təhsil sahəsində aparılan islahatlardan söz açıb. Tədbirdə çıxış edən digər qonaqlar yeni dərs ilində müəllim və şagirdlərə uğurlar arzulayıblar. Tədbir zamanı şagirdlər qonaqların qarşısında müxtəlif çıxışlar ediblər.
Tədbirin ikinci hissəsində idarə müdiri Elçin Kərimov və digər qonaqlar sinif otaqlarına baxış keçirmiş, şagirdlərin ilk dərs günü ilə bağlı təəssüratlarını öyrənmişlər.
#MərkəziAranRTİ #MərkəziAranRTİEduAz #ÜmumiTəhsil #BilikGünü #SalamMəktəb #Şagird
