23 may 2024-cü il tarixdə Ağsu şəhər parkında açıq havada “Sərhədsiz Rənglər” layihəsi çərçivəsində “Rənglərin Harmoniyası”mövzusunda rəsm sərgisi keçirilib.
Sərgidə Ağsu, İsmayıllı və Şamaxı da daxil olmaqla, ölkənin müxtəlif bölgələrindən olan azərbaycanlı gənclər arasında istedadları üzə çıxarmaq məqsədi ilə qadın rəssam əsərləri nümayiş olunub.
Sərgidə UASB Azərbaycan təmsilçisi rəssam Nəvai Metin, həmçinin Kürdəmir ASAN xidmət və Ağsu Rayon Məşğulluq Mərkəzinin nümayəndələri və digər qonaqlar iştirak ediblər.
Sərgi qadınların bacarıqlarını inkişaf etdirmək, daha inklüziv mədəniyyət səhnəsi yaratmaq və incəsənətə marağı olan insanları bir araya toplamaq məqsədi daşıyır.
Qeyd edək ki, sərgi Dağlıq Şirvan Regional Gənclərin İnkişaf və Karyera Mərkəzinin Ağsu bölməsi, Dağlıq Şirvan Regional Gənclər və İdman İdarəsi, Ağsu Heydər Əliyev Mərkəzi və Azgranata MMC-nin birgə təşkilatçılığı ilə keçirilib.
