29 fevral 2024-cü il tarixdə İsmayıllı rayon Heydər Əliyev Mərkəzində Dağlıq Şirvan Regional Gənclər və İdman İdarəsinin və Heydər Əliyev Mərkəzinin birgə təşkilatçılığı ilə “5 mart-Bədən Tərbiyəsi və İdman Günü” münasibətilə ”İdman Həftəsi” çərçivəsində rəsm müsabiqəsi keçirilib.
Tədbirdə Dağlıq Şirvan Regional Gənclər və İdman İdarəsinin rəisi və əməkdaşları, Heydər Əliyev Mərkəzinin direktoru və əməkdaşları, rəsm müəllimləri və gənc rəssamlar iştirak ediblər.
Tədbirin keçirilməsində məqsəd gənclər arasıda idmana,sağlam həyat tərzinə marağın artırılması, “5 mart-Bədən Tərbiyəsi və İdman Günü”nün tarixi əhəmiyyəti barədə onların maarifləndirilməsi, istedadlı və yaradıcı gənclərin aşkar edilərək onların inkişafına dəstək olmaq olub.
Bir-birindən gözəl rəsm əsərləri ilə tədbirdə iştirak edən gənclər qiymətləndirilmiş və müvafiq olaraq diplom, medal və fəxri fərmanlarla mükafatlandırılmışdılar.
#İdmanHəftəsi #AZEidman #birkimibirlikdə
