02 fevral 2023 cü il tarixində Şamaxı Rayon Uşaq Gənclər İnkişaf Mərkəzində Şamaxı rayonu üzrə gənclər və idman sektoru və Şamaxı Rayon Uşaq Gənclər İnkişaf Mərkəzinin birgə təşkilatçılığı ilə "2 Fevral-Azərbaycan Gəncləri Günü" nə həsr olunmuş "Gələcəyimiz gənclərin əlindədir" adlı əbədi-bədii əyləncəli tədbir keçirilib.
Azərbaycan Respublikasının Müstəqiliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad olunduqdan sonra Şamaxı rayonu üzrə gənclər və idman sektorunun əməkdaşı Səbinə Bağırova təməli Ulu öndər Heydər Əliyev tərəfindən qoyulmuş və bu gün də Azərbaycan Respublikası Prezidenti cənab İlham Əliyev tərəfindən uğurla həyata keçirilən Dövlət gənclər siyasəti çərçivəsində rayonda görülmüş işlər və qarşıda duran vəzifələr haqqında geniş məlumat verib.
Tədbirdə dərnək üzvləri öz əl işlərini nümayiş etdilər,sonra şeirlər və mahnılar ifa etdilər. Sonda sərgilənən əl işləri qiymətləndirilərək fərqlənən iştirakçılara Dağlıq Şirvan Regional Gənclər və İdman İdarəsinin və UGİM- nin diplomları təqdim olundu.
