29 yanvar 2024-cü il tarixində Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə Qobustan İdman Kompleksində “2 Fevral-Azərbaycan Gəncləri Günü” münasibətilə yeniyetmələr arasında rayon turniri keçirilmişdir.
Yarışın keçirilməsində əsas məqsəd stolüstü tennis idman növünün uşaq və yeniyetmələr arasında kütləviliyinin artırılması, təlim-məşq proseslərinin təkmilləşdirilməsi və respublika miqyaslı yarışlarda iştirak edəcək idmançıların aşkar olunmasıdır. Turnirdə Azərbaycan Stolüstü tennis Federasiyasının rayon üzrə bölməsinin 2 yaş qrupu üzrə 14 idmançısı iştirak etmişdir. Aşağı yaşlılar arasında Mədətov Əli, Heydərov Elnur və Məmmədov Ağababa, gənclərin mübarizəsində isə Aslanov Zahid, Mamedov Məhəmməd və Mamedov Telman fərqlənərək müvafiq olaraq 1-3-cü yerlərə sahib çıxmışlar.
Qalib və mükafatçılara Dağlıq Şirvan Regional Gənclər və İdman İdarəsinin diplom və medalları təqdim olunmuşdur.
