08 oktyabr 2023-cü il tarixdə İsmayıllı Olimpiya İdman Kompleksində Dağlıq Şirvan Regional Gənclər və İdman İdarəsinin Azərbaycan MMA və Grapling Federasiyası ilə birgə təsdiq etdiyi əsasnaməyə uyğun olaraq,eləcə də “Tunc” İdman Klubunun, İsmayıllı Olimpiya İdman Kompleksinin dəstəyi ilə Vətən Müharibəsi şəhidi, Hərbi Dəniz Qüvvələrinin xüsusi təyinatlısı, “ Qarabağ" ordenli Nəcəfov Fuad Taleh oğlunun xatirəsinə həsr olunmuş MMA idman növü üzrə İsmayıllı rayon açıq birinciliyi keçirilib.
İlk öncə Azərbaycanın ərazi bütövlüyü uğrunda mübarizədə canlarını qurban vermiş şəhidlərimizin və Ümummilli Lider Heydər Əliyevin əziz xatirəsi bir dəqiqəlik sükutla yad olundu.
Tədbirdə Dağlıq Şirvan Regional Gənclər və İdman İdarəsinin rəisi və əməkdaşları, YAP İsmayıllı Rayon Təşkilatının sədri,İsmayıllı Olimpiya İdman Kompleksinin direktoru, “ Tunc “ İdman Klubunun direktoru, İsmayıllı şəhər İƏD üzrə nümayəndəsi,şəhid ailələri, qazilər və idmançılar iştirak ediblər.
Birinciliyin keçirirlməsində məqsəd Azərbaycanın azadlığı və ərazi bütövlüyü uğurunda şücaət göstərən qəhəmanlar haqqında gənc nəsli məlumatlandırmaq və onlar arasında vətənpərvərlik hisslərinin yüksəldilməsi, bu idman növünə marağın artırılması, sağlam həyat tərzinin təbliğ edilməsi olub.
Tədbirdə bir qrup fəal DŞR Gənclər və İdman İdarəsi tərəfindən Fəxri Fərman və Təşəkkürnamə ilə mükafatlandırılıblar.
Şəhid Fuad Nəcəfov haqqında çıxışçılar qeyd ediblər ki, o, oktyabrın 7-də Zəngilanın işğaldan azad olunması uğrunda gedən döyüşlər zamanı şəhid olub. Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə şəhid Fuad Nəcəfov “Qarabğ” ordeni, “Vətən uğrunda “ və "Cəbrayılın azad olunmasına görə" medalları ilə ölümündən sonra təltif olunub.
Maraqlı və gərgin keçən birincilikdə müxtəlif çəki dərəcələrində qalib olmuş idmançılar təşkilatçılar tərəfindən diplom və medallarla təltif olunublar.
