Bu gün Azərbaycan Respublikasının Konstitusiyası Məhkəməsi, İsmayıllı Rayon İcra Hakimiyyəti, Dağlıq Şirvan Regional Təhsil İdarəsinin təşkilatçıllğı ilə İsmayıllı rayon ümumtəhsil məktəblərinin X sinif şagirdləri arasında Ümummilli Lider Heydər Əliyevin anadan olmasının 100 illiyinə və Azərbaycan Respublikasının Konstitusiya Gününə həsr olnumuş "Hüquqi Dövlətin əsasları" mövzusunda hüquq olimpiadası keçirilib.
Azərbaycan Respublikasının Konstitusiyası Məhkəməsi Aparatının Konstitusiya hüquqi şöbəsinin müdiri, III dərəcəli dövlət müşaviri Dürdanə xanım Məmmədova, İsmayıllı rayon İcra Hakimiyyəti başçısının müavini Sevil xanım Əhmədova, digər rəsmilər və ümumtəhsil məktəblərindən 200 şagirdin iştirak etdiyi tədbir N.Behdiyev adına İsmayıllı şəhər 6 nömrəli tam orta məktəbində baş tutub.
Əvvəlcə Ulu Öndər Heydər Əliyevin abidəsi ziyarət olunub, önünə gül dəstələri qoyulub. Daha sonra qonaqlar Heydər Əliyev Mərkəzini ziyarət edib, Ulu Öndərin həyat və fəaliyyətini, həmçinin İsmayıllıya səfərlərindən bəhs edən eksponatlara baxış keçiriblər.
Tədbirdə çıxış edən Konstitusiya Məhkəməsi Aparatının Konstitusiya hüququ şöbəsinin müdiri Dürdanə Məmmədova qarşıdan gələn əlamətdar günlər münasibətilə tədbir iştikakçılarını təbrik edib, Ulu Öndərin 100 illik yubileyinə və 12 Noyabr – Konstitusiya Gününə həsr edilmiş yarışmada məktəblilərə uğurlar diləyib.
İsmayıllı Rayon İcra Hakimiyyətinin başçısının müavini Sevil Əhmədova çıxış edərək şagirdlərin hüquq və vəzifələrini dərindən dərk etmələrində mühüm rol oynayan belə bir olimpiadanın təşkilinə görə Konstitusiya Məhkəməsinin rəhbərliyinə və əməkdaşlarına minnətdarlığını bildirib. Bu bilik yarışının şagirdlərin həyatında mühüm rol oynayacağını, gələcəkdə iştirakçılar arasından ölkəmizə və dövlətimizə layiqli kadrlar yetişəcəyinə əminliyini ifadə edib.
Daha sonra olimpiyadaya start verilib.
Qeyd edək ki, sonda Olimpiadanın qalibləri və yüksək bal toplayaraq fərqlənmiş şagirdlərə Azərbaycan Respublikası Konstitusiya Məhkəməsinin təsis etdiyi kubok, diplom və hədiyyələr təqdim olunacaq.
#Azərbaycan #İsmayıllı #RİH
