via.az-a daxil olan şikayətdə bildirilir ki, Hacı adlı meşəbəyi Zaqatala meşələrini amansızcasına məhv edir. Rayonun təbii sərvəti olan meşələrə qaraşı bir müddətdir ki, "yaşıl soyqırım" davam edir.
Məlumatda bildirilir ki, Meşə Mühafizəsi və Bərpası İdarəsinin müdiri Zaqatala meşələrini gəlir mənbəyinə çevirib. Belə ki idarə müdiri nadir ağac növlərini kəsdirərək taxta-şalban və mebel sexlərinə satdırır. O, meşə gözətşilərindən də hər ay konkret məbləğdə rüşvət tələb edir ki, gözətçilər bu pulu çıxarmaq üçün ağaclara qənim kəsilirlər.
Mənbə bildirir ki, idarə müdiri Ekologiya və Təbii Sərvətlər nazirliyindən gələn yoxlamaların gözünə kül üfürmək üçün ağacları traktorlar vasitəsi ilə kökündən çıxartdırır. Sonra da həmin ağaclar "çəkic"ləyərək təbbi fəlakət nəticəsində yıxıldığını sənədləşdirir.
Meşələrdə əsasən qoz, çökə, palıd, vələs ağacları məhv edilir. Ancaq sexlərə tikinti materialı kimi daha çox palıd və qoz ağacları satılır. Hazırda Zaqatalada ondan çox mebel və qapı-pəncərə sexinin olduğu bildirilir.
Dəyərli oxucular!
Ümumiyyətlə, ətraf mühit və onun problemlərinin varlığı, hər zaman diqqət mərkəzində duran məsələlərdən biri olub. Odur ki, Zaqatalanın meşə zolaqlarında baş verən olayları, əmələ gələn fəsadları biz bundan sonra da diqqət mərkəzində saxlamağa çalışacağıq.
Qarşı tərəfin də mövqeyini dərc etməyə hazırıq.
