İranda baş verən iğtişaşlar zamanı ölənlərin sayı artıb.
AZTB.info xəbər verir ki, bu barədə “Fars” agentliyi məlumat yayıb. Verilən məlumata görə, ölənlərin sayı etiraz aksiyalarında odlu silahdan açılan atəş nəticəsində artıb. Odlu silahla ölənlərdən 2 nəfər polis, digər 5 nəfər isə etiraz aksiyasında iştirak edən şəxslərdir.
Qeyd edək ki, İranın Tehran, Məşhəd, İsfahan, Rəşt kimi iri şəhərlərində dekabrın 28-dən sosial narazılıqla bağlı kütləvi aksiyalar keçirilir. Prezident Həsən Ruhani bildirib ki, narazılıqlara ölkənin daxili problemləri, həmçinin İranın xaricindəki təhrikçi qüvvələr səbəb olub.
Həmçinin məlumat verilib ki, İranda etiraz aksiyalarında iştirak edən və iğtişaşlara səbəb olan bir neçə nəfər saxlanılıb. Bildirilib ki, İranın Tehran, Məşhəd, İsfahan, Rəşt şəhərlərində kütləvi aksiyalarda iştirak edənlər həbs ediliblər. Onlar barədə məhkəmədə hökm çıxarılacaq.
