Artıq 3 ildir ki, rayonumuz ölkə üzrə pambıq planında axrıncı yerləri tutur, amma bu il lap sonuncu olub.
Belə ki, sovet dönəmindən sənəd üzərində plan verib realda isə gəlirləri silib mənimsəməyə öyrəşmiş Seyidəliyev qardaşları, yeni dönəmdə köhnə vərdişlərindən əl çəkə bilməyərək, son 3 ildə "Yeyinti üçbucağı" düzəldərək sahibkarların zəhmətlərini göz görə-görə mənimsəyirlər.
Həmin bu üçbucağın nəticəsizliyi sayəsində, Azərbaycan Respublikasının Kənd Təsərrüfatı Nazirliyi Ağsu rayon İcra Hakimiyyətindən məsələnin səbəbini soruşduqda, rayon rəhbərliyi nazirliyə cavab olaraq Ağsu Aqrar İnkişaf Mərkəzinin (Ağsu Kənd Təsərrüfatı İdarəsi) rəisi Elxan Abdullayevi "qurban" olaraq veriblər.
Nazirlik də müvafiq olaraq E.Abdullayevin vəzifəsinə xitam vermişdir.
Qeyd edək ki, Mirfazil Seyidəliyev pambıq məntəqəsinin sədri vəzifəsini icra edir.
